必然 八月 2, 2008
Posted by χ-mera in 生活日常.add a comment
一切都無可避免，只不過早點來罷了
實在唔想咁樣發展落去
那些不珍惜的人，就讓他們從此失去吧
如果你同我走一樣的路，也許你會明白
我需要改變這個困局的力量
盡了力，「最後變不到」，也沒有辦法
和討厭的人相處 五月 14, 2008
Posted by χ-mera in 學校雜事.add a comment
我份人就係直腸直肚，有個句講個句，最憎就係將自己真正ge想法收埋，個口就講另一套。我覺得最爽ge一件事，莫過於對住你一個真係好憎超憎ge人，唔扮野，講句I don’t like you或者直接I hate you。
今日食lunch個陣，有個窗口開左，d風吹入黎好猛，吹正我個位，我就走去閂埋一半。對面有個鬼仔W，就起身去開番大個窗。我超不爽，因為佢個位完全唔受d風影響，但係我個位就大風到我個碟d沙律吹到周圍都係，於是同佢理論。佢ge理由就係佢個屁股後面個heater開左，佢個籮好熱，要吹吹風散散熱。我同佢解釋我都只係閂左一半，都仲有個gap位俾d風入黎，咁佢都肯閂返少少個窗。呢個時候一個最仆街ge鬼仔B就開聲同W講：「咪鬼理佢！同我將個窗有咁大開咁大！」我忍唔住就同B嘈起上黎，佢話佢個位好熱，我同佢講我都坐過你個位，但係就冇你講到咁嚴重。但係好明顯呢個只係藉口，佢跟本就係要同我鬥氣，W亦都幫返自己人，將個窗開到極大，所以我都無謂駁落去，只可以嘆氣：當一個人係minority處於弱勢，根本就冇本錢同majority鬥。
呢個亦係我個house存在已久ge問題。呢度d香港人太「腍」太好恰，即使我有時出頭佢地都唔會幫口；而且d有錢二世祖鬼仔又賤格，所以佢地由F.3就已經開始恰香港人，我F.6黎到情況已經一發不可收拾。
好在housemaster都係明事理ge人，佢成日都會幫下d香港人（受過教育ge鬼佬都係唔同一般鬼佬）。而matron（類似褓姆）更加係超好人，成日好照顧我、噓寒問暖，仲鼓勵我叫我忍埋落去，捱到7月就可以同班鬼仔講byebye（佢自己都睇唔過眼鬼仔ge行為），所以我真係好感激佢呢兩年ge照顧。
餐飯就黎食完個陣，W特登係度撩我講野,”Do you like this school?”我諗都無諗就答No, 佢就懶寸咁話,”Then you shouldn’t come here in the first place.”我亦都毫不客氣咁回應一句,”Yea, I made a wrong decision.”
其實可止wrong decision，被編入呢間house簡直係the biggest nightmare in my life. 有一個埃及黎ge室友同我講過，其實呢個世界無論你去到邊度都一定有d你討厭ge人係左近，你冇得迴避，唯有學懂同佢地相處。不過我諗我有排都未學到…
公平地分析格蘭特 四月 28, 2008
Posted by χ-mera in 足球雜談.add a comment
執筆之時，我的愛隊車路士2:1險勝了奪冠最大敵人曼聯，追至同分，僅因得失球差而排行第二。雖然我冇睇到場波，不過呢場勝利已經足以令我興奮了半日。回想起上年九月中摩連奴(Jose Mourinho)被炒，到了現時足足七個月的時間，格蘭特(Avram Grant)帶領下的車路士雖然在聯賽盃和足總盃失利，但歐聯打入了四強、聯賽趁著阿曼相爭默默在後死命追趕，到現在竟能追至同分，即管撇除運氣、助教協助等等因素，也是毫不簡單的。難道格蘭特在這七個月真的一些貢獻都沒有？難道真的如阿布所說，只要有他的金錢，誰人當車仔領隊也能成功？
說回車路士領隊這份工作，壓力雖則極大，可是也是歐洲各教頭夢寐以求的一份高薪厚職。收入不用多說，連買球員也不需理會價錢，而且能夠擔任一支有力問鼎歐洲冠軍的球隊的領隊實在是一個無上的榮耀，我相信不是每個一教頭都有執教大球會的機會。但正因如此，英國傳媒對於格蘭特的上任可說是極度不服。英超不少有實力的領隊如莫耶斯(David Moyes)、曉士(Mark Hughes)等等只能在中型班執教，默默耕耘卻苦無在大舞台表現的機會，而這個以色列人竟憑著與班主的友誼關係而得到這份肥缺，難怪無法服眾。
所以格蘭特上台後，英國傳媒對他的評論是完全負面的。有小報（並不可靠）據稱找到樸茨茅夫球員力証格蘭特任職樸茨茅夫足球總監時最主要的工作是搬運訓練時的雪糕筒；足球節目的主持不斷重播他指手劃腳解釋戰術的片段來取笑他；連原本討厭德國人的英國球迷，也因為格蘭特猶太背景的關係而拿納粹黨侮辱他。又一個外地人在英國被不公平對待的例子，看來英國人也頗好一沉百踩、集體欺凌這種玩意。
當然若不是格蘭特做出那麼多具爭議的舉動，他本人也不能佔據了體育版這麼久。首先他的收購作用成疑：一月時簽下的安歷卡(Nicolas Anelka)、伊雲奴域(Branislav Ivanovic)我可看不出有甚麼大作用。前者未能將保頓的入球勢頭帶到來，雖則偶有建樹卻與身價不符。後者更加離譜，買回來卻一直放在預備組，即使他未適應英超，都可以後備踢下無妨，而家雪到硬哂都未用得著。
但最大的原因始終是他的調動令人匪夷所思。最印象深刻莫過於在作客熱刺一仗換走祖高爾(Joe Cole)，令車仔由贏變和，險些輸波，痛失兩分。其餘的奇怪調動可謂場場都有，我也不能盡錄。總之這些令人費解的調動，與摩連奴時代相比實在有太大分別；還記得當時車路士每當處於不利環境時，摩連奴每一個調動彷彿為球隊和球迷帶來希望，因為我們都知道他每一個換人都是收效的，不少的情況下每每靠著這些後備扭轉敗局。
（以下數據只計算英超聯比賽）
說了這麼多格蘭特的缺點，我們也必須了解他的處境其實也不容易。旗下球員不服他是一大問題，例子就如賓希姆(Tal Ben-Haim)。這位中堅球員連同鄉也不留情面，在訪問大肆批評格蘭特，可見球員之間是對他不滿的，只是顧全大局沒有講出來。而且他剛上任時球隊傷患嚴重，到了季中前鋒又出現了入球荒（安歷卡加盟至今只有1球進帳，有離心的杜奧巴(Didier Drogba)只得8個聯賽入球，比沙路(Claudio Pizarro)+舒夫真高(Andriy Shevchenko)=6個聯賽入球…入球重責竟落在卡奴(Salomon Kalou)(7球)、祖高爾(7球)和艾辛(Michael Essien)(6球)身上），所以能夠捱到今時今日，絕非僥倖所致。
格蘭特上任時的承諾，「踢出漂亮進攻足球」到底有沒有兌現？漂不漂亮見仁見智（我並不認為比摩連奴時代漂亮），那麼進攻呢？讓我們從數據中找答案：（2007/08球季暫時總勝仗24場，21場格蘭特領軍，3場為摩連奴領軍）
以一球之差全取3分的勝仗：21場中有12場（摩連奴2007/08季初：3場中有3場）
今季1:0勝仗：21場中有8場（摩連奴2007/08季初：3場中有1場）
今季暫時入球（餘下2場）：62球（摩連奴2007/08季初：7球）（2006/07球季總入球：64）
平均每場入球：1.72球（2006/07球季：1.68球）
縱使超過一半的勝仗都是以一球險勝對手，而且格蘭特比摩連奴更喜歡1:0險勝，入球數字與摩連奴2006/07球季相比也沒有大分別，但平均每場的入球數則提升了0.04球。單看平均每場入球格蘭特可以說自己比摩連奴更好更進攻，可是如果在你眼中進攻足球=大勝對手，他的承諾似乎做不到，更遑論踢出如曼聯水銀瀉地的足球。所以我夠膽在此下結論：格蘭特並未能履行他的承諾。
至於得勝率方面，季初在摩連奴帶領下，車路士只錄得50%得勝率（6仗3勝2和1負）。而格蘭特執掌下，得勝率卻高達70%（30仗21勝7和2負），更分別在10月、1月錄得聯賽全勝，11月聯賽不敗，踏入了08年更未嘗敗績！所以單看得勝率方面，格蘭特是大獲全勝的。
既然得勝率那麼高，為甚麼仍未能在聯賽榜領導群雄？於我看來，今季車路士與曼聯的勝負分野，就在雙方的主場戰績上。在作客成績，車路士位列聯賽第一，曼聯也要俯首稱臣。可是在車路士引以為傲的連續80場不敗史丹福橋，今季卻被夢劇院比下去。曼聯在奧脫福出戰，成績為18戰16勝1和1負，共得49分，英超無人能及。至於車路士的主場成績則為18戰12勝6和0負，雖則不敗，但合共卻只得42分。2006/07球季，車路士主場戰績為12勝7和0負；2005/06球季，則為18勝1和0負！可見能否於英超封王，主場成績起指標作用。試想想，假如格蘭特在史丹福橋對富咸、愛華頓、阿士東維拉、利物浦或韋根其中一仗能獲勝，現在聯賽主導權已落在車路士身上。未能在主場盡取分數，可說是格蘭特一個敗筆。
分析了這麼久，我認為車路士球迷是不應該對格蘭特如此苛刻的。縱然他在戰術上、經驗上、成就上或外型上不及摩連奴，可是以他第一季在車路士這大球會的成績來說，是超乎合格的。可能他上任時的承諾是大口氣了一點，但我們是現實的，看成績方面除了在本土盃賽令人失望之外聯賽可說是做到了本份的，憑他的超人運氣他更殺入了歐聯四強！大家也應該不要理會傳媒報導，冷靜的客觀的分析一下格蘭特在這七個月的功過。當然這一切是建基於格蘭特擁有車路士兵符的這一個assumption；如果這七個月的一切成績是坦基特(Henk ten Cate)和奇勒(Steve Clarke)在背後策劃指導的、是一班球員漠視格蘭特而死拼換回來的，而格蘭特只是一個傀儡，那麼真正的英雄該是副領隊和球員，而我這一篇為格蘭特平反的文章也只是一堆廢話而己。
（資料來源：ESPNsoccernet, 英超聯官方網頁）
隨想 四月 21, 2008
Posted by χ-mera in 生活日常.add a comment
返到黎英國都有6日，突然由多姿多采嘅香港返到黎呢度過我嘅一人世界，有d唔習慣。不過第一個星期總係過得特別慢，捱過左時間就會過得好快。每次都咁諗：死啦…仲有2個幾月，點捱呀？但係去到臨走個陣又會醒起，原來2個幾月唔經唔覺咁又捱到…
終於都reply左大學嘅offer…由2月拖到黎4月。First choice都係oxford，insurance就竟然揀左UCL，雖然唔係好鐘意倫敦，不過比起Bristol同Durham始終冇咁悶，話哂悶嘅生活呢兩年都受夠啦
發覺一切都係我阿媽精心策劃嘅…2年級考到好成績即刻要我轉校，而且非男校唔揀，最後入左聖若瑟，咁就結束我短短2年男女校生涯…中五考完會考過英國，又係男女校免問，結果咁大個仔都冇一個女同學，而且又奪走埋我2年應該係hk過得開開心心嘅預科生活，要係度坐監…阿媽成日話唔駛咁急識女仔，大個賺到錢女仔自然會黎識你，邊有阿媽咁教仔架？況且個d女都係鐘意$多過個人啦…
當年3年級轉校，原來都有考過高主教，如果最後唔係殺出St Joe呢個程咬金，我可能會入左高記…
究竟動物園係咪剩番我？唔通我俾其他人丟低左？
最近的想法 四月 4, 2008
Posted by χ-mera in 內心世界.add a comment
次次都係咁
每一次由英國返黎hk，都係去到我開始適應返香港節奏，開始習慣同埋投入返hk嘅生活個陣，先發覺
原來
自己仲有一個禮拜就要返去繼續捱世界
天意弄人
我就好似個絕症病人咁，係度數緊自己剩番幾多時間
每一次都係咁
去國十年，老盡少年心
十年？一年都夠啦
好珍惜同舊朋友相聚嘅時間，就算我一個人唔講野企係佢地隔離睇佢地傾計都好滿足、好開心
因為係英國根本冇咁嘅機會
———
睇到壹週刊有個專題訪問一d anti-social嘅人，其中有一個係我嘅中學師兄
聽到佢講嘅野我好有同感
我幾欣賞佢嘅志氣同埋目標，其他人企埋去相比就膚淺好多，高下立見
有興趣不妨搵黎睇下，佢有幾句說話幾有趣，同埋幾有啟發
「（指其法律系同學）讀法律只為獲得更好的生活…聚埋一齊唔係傾點樣考取高分，便是研究怎樣入大財團同跟大師傅」
（原來考高分讀好書入法律系都只係為自己，咁嘅人出到黎做律師都只係幫到有錢人，自己一d正義感都冇、又向錢看，正是我唔想讀Law嘅原因）
「好多人以相識滿天下為樂，而我就覺得好麻煩，尤其是識著d無聊人，我連同佢笑都唔想」
（我見過有人以相識滿天下為榮添…真係頂唔順，個個都係hi-bye friend，有邊個係真心？淨係識建立人際網絡…呸）
「現實世界的人太虛偽了，對住唔匹配嘅人都要強顏歡笑…和蠢人交往，一秒也嫌多」
（對呢句不能夠同意更多啦…非常啱聽，咁虛偽做人係好辛苦架）
發覺自己都幾anti-social
不過我好鐘意咁嘅自己
點解人一定要social? 邊個發明social？點解個個都要跟呢個風氣，唔social就變左異類？
如果自己討厭呢個社會嘅規矩，就冇必要強迫自己服從，而應該要反抗，anti-social者正由此而生
呢個世界根本冇異類，有嘅只係大眾同小眾，但係小眾無罪
阿媽，唔好再叫我要socialize，我愛做一個anti-social的人
假如有一日，anti-social成為主流，我諗我會得到解脫
校長，你係得既！ 三月 13, 2008
Posted by χ-mera in 以事論事.add a comment
港府深夜 突喊停課 (星島) 03月 13日 星期四 05:30AM
http://hk.news.yahoo.com/080312/60/2qh0v.html
……對於政府「漏夜」宣布停課，資助小學校長會主席張志鴻批評，政府宣布停課的決定太倉卒，「衰過颱風，打風都有幾小時預先通知，現時深夜才通知，好多家長、教師和學生已睡覺，根本無考慮會造成混亂。」身為油麻地天主教小學（海泓道）校長的他更指，該校今天有考試，預計會有「千幾個學生」打電話查詢……
政府今次做得非常好。雖然係比較倉促，但係總算反應快，係未有大規模流感爆發前下令小學幼稚園停課，有吸取到SARS ge經驗。
至於呢位主席，目光短淺，實在唔明點解可以做到校長。首先流感呢樣野比颱風危險好多，打風都話可以用人造衛星睇下個風眼係邊，流感病毒潛伏社區點樣睇到？當前已經有幾個小朋友入左ICU，已經有一人死亡，如果唔立即有進一步行動後果可大可小，半夜宣佈停課情有可原。
第二，政府當然會考慮到混亂出現啦，不過如果政府因為公關問題而推遲停課計劃，有邊個可以擔保係呢段時間冇小朋友中招？政府當機立斷，一察覺事態嚴重，唔想再有人受感染，立刻下旨，相信家長都唔會介意。佢地寧願送仔女上學然後白行一趟，都唔會想自己仔女惹到流感而有生命危險。呢個校長，竟然擔心校內考試仲多過學生安危，唔怪得之而家話d學生高分低能啦，香港有咁ge校長，都係有樣學樣je。
最後，即使有「千幾個電話」、「千幾個學生」打電話查詢，咁又點？一間學校冇學生黎上堂，又有咁多個教員得閒，甚至可以叫d班主任逐個家長打電話通知啦。咁都嫌麻煩，淨係識得complain, complain, complain，係呢d危急關頭冇考慮過自己學生ge生命安全，淨係識得抽政府水，呢個校長認真唔掂，點帶領一間學校呀？
封建、守舊的國際都會市民 三月 2, 2008
Posted by χ-mera in 內心世界.1 comment so far
裸照風波終於都告一段落啦…係呢件事上面又可以睇到香港人係幾咁醜陋…尤其係d網民，發表ge評論刻薄ge程度簡直同偉大祖國ge批鬥有得揮…香港人真犀利，回歸短短十年已經盡得中共建國六十年ge精華所在…
見到Edison同阿嬌我都好同情佢地，佢地令我諗起魯迅作品入面個d被社會遺棄、被愚蠢ge大眾唾罵，被落後ge思想所摧殘ge主角。佢地男未婚女未嫁，自己影d私人相，被人偷左出黎公開傳閱，仲俾全世界中國人對住佢地ge裸體評頭品足，我覺得已經係一個慘絕ge下場同懲罰。佢地如果係西方人，呢d根本係一件小事。可惜佢地生於香港，一個連Coco（同前廣播處長一齊行街個個）都可以憑露肉訪問連續上報紙頭條一星期ge城市，呢單裸照事件唔上返幾個星期頭條d傳媒都對唔住自己。咁樣已經足以令受害人精神崩潰…但係仲唔止！d網友好心佢地睇完就算啦，仲要加d評語例如「淫蕩」「狗男女」「賤婦」「香港個架被你地丟哂」，實在可恥！因為自己身份隱藏，就可以係暗地裡處身道德高地以極奇狠辣ge言詞傷害當時人咩？呢班根本就係一班暗箭傷人ge無賴。有邊個唔會做愛？點解網民自己做愛就風流，明星做愛曝左光就係下流？人人都係好色，點解淨係Edison同阿嬌就應該禁慾？
待人嚴，待己寬，呢種行為實在係不要得。見到香港呢個咁ge「食人」文化，將兩個藝人傷害到體無完膚，我覺得好可悲，點解香港人對性ge觀念仍然係咁唔開放？點解要一沉百踩，係都要攪到人走投無路先安樂？阿嬌上電視唱首歌都話不雅，佢幾時有做出d猥褻野？欣宜扮公主又係咁，阿嬌著得密密實實唱歌又係咁，都可以有百幾宗投訴，原來呢個社會ge人水準真係咁低、內心真係冷血成咁…
對待戰爭的態度 三月 2, 2008
Posted by χ-mera in 以事論事.add a comment
今日做功課個陣，翻開Physics書搵料，無意中睇到幅圖，圖中滿地頹垣敗瓦，放眼都是一片廢墟。個幅就係廣島原爆ge相。發生於1945年8月6日，130,000人死傷，180,000無家可歸，三日後長崎ge原爆，亦導致66,000人死傷。
係人都知，個兩粒原子彈係美國佬投下ge。總計死傷人數都接近200,000，同我地中國成日都提起ge南京大屠殺都不相伯仲，係日本因為輻射影響而毀容、殘廢、畸形ge人仲有好多。咁點解國內ge輿論成日都話要日本賠償道歉，承認歷史，但係又冇聽過話日本人話好憎美國佬？而其實，日本仔某程度上仲幾崇洋添。
其實呢個都同西方思想有關係。西方文化其實都係尚武，只要你贏到佢佢就會尊重你（鬧人Loser就係由此而來），就算輸都要輸得漂亮，唔可以退縮。即使日本偷襲珍珠港，美國係芸芸亞洲諸國當中最尊重仍係日本。可能呢點同日本個d武士道有d相似，所以日本都幾尊重將佢地擊倒ge美國。所以其實亦好難怪中國人係西方今時今日仍得唔到所有人尊重，除左本身缺點多之外，中國思想中ge忍讓、謙卑係西人眼中係弱者ge表現（唔係話中國哲學唔好，只不過呢個世界仍然俾d紅鬚綠眼主導）。要係西方受尊重，中國人一定要好似李小龍咁，俾人恰俾人踩到上心口個陣唔可以忍，要還以顏色。
回到正題，點解二次大戰過左咁耐，國內仍然有咁多反日聲音呢？睇下發動二次大戰ge第二個國家德國：納粹德軍係二次大戰ge暴行同南京大屠殺都屬於種族清洗(唔同ge係，我地中國人多殺唔哂，猶太人就差d滅族)，點解德國可以得到歐洲國家ge寬恕同接納，仲支持德國創立歐盟？當中最大ge原因，係德國人勇於承認過失，面對自己祖先ge行為非但沒有任何淡化同否認，仲好誠懇地向鄰國致歉，係國內又打壓納粹主義。所以德國能夠被歐洲重新接納，拋下過去ge仇怨，共同合作。
我覺得係呢方面日本人真係要好好學習一下。如果d教科書一路咁俾佢地改落去，新一代日本人就唔會了解到真正ge歷史：班中國人點解咁憎我地國家架？我地都冇侵略，只係派兵進駐je…其實中國人都好想忘記呢件事，不過我地唔可以見到歷史被曲解，讀歷史就係為左吸取教訓，免重蹈前人ge覆轍。我相信只要日方交出誠意道歉，正視前人所作所為；而中國國內ge反日份子又可以放下成見，唔好做d破壞兩國關係ge蠢事（毒餃子案真係睇到我好火，有d中國人真係好仆街，係出口食物落毒可大可小，呢d毒物最好整個個人自己食返），中日邁向友好絕對唔係天方夜談。
真人版デスノート 二月 7, 2008
Posted by 癲狗 in 以事論事.add a comment
少少個人感想，我個人認為呢個事件根本係無受害人，只係爛仔打交單純暴力，不過戰場唔係街巷而係internet咁啫。兩邊都唔抵人幫。
今朝又有新嘢出，超過二百張圖！依照圖片嘅連貫性，十成九係video。不過キラ咁聰明，video當然係壓軸表演！除咗video之外，圖片全部都只係oral同自摸，所以恐怕壓軸仲有啲更激嘅片段。而且假如我係相中人，會唔會只係拍呢啲？一定唔會囉。
之前有人upload番半年前嘅gossip，話當事人半年前曾經報案。本來我對犯罪者並無敬佩嘅感覺，不過當事人半年前報案，反而證明呢個犯罪者真係聰明如キラ！因為，又假如我係當時人，最想的一定係息事寧人，所以，我反而會假扮キラ！趁警方大舉出擊高調行動之後，將所有file一次過upload，然後先再出早前嘅道歉片段。キラ嘅牌只有呢啲video同照片，咁做就可以斷絕佢嘅招數，道歉video成為事件嘅終結都算完滿，最多也不過係兩日頭條，大家好快對事件淡忘。但半年前當事人報警，恐怕係啲相唔係被copy走而係move走，而且係disk上面rewrite過無法recover。呢啲事キラ一定做得到，咁就可以防止當事人用自爆呢招。計劃如此長遠，確實令我感到佩服！
有消息指キラ係當事人嘅屋企人嘅債主。如果係，我諗唔需要擔心警方捉到犯人要防止影片流出。因為，又係嗰句，如果我係當事人，我去同キラ講數，一定會請佢一次過將啲圖放出，以防止佢日後又攞出嚟攻擊自己。所以無論佢地捉唔捉到人，講唔講得掂數，啲相同video都應該會流出，只係時間同每次數量嘅問題。
最令我出人意表嘅，係現時嘅大輸家係警察呢件事！警方一連串嘅行動都係如此咁失敗，真係蠢得令人難以置信！搭咁多人返去坐做咩？想殺人警佰？咁高調做咩？真係咁大好喜功？而家係咪想叫我讀完書之後唔好返香港？
為選擇煩惱？咁搞笑？ 二月 6, 2008
Posted by 癲狗 in 生活日常.add a comment
早日朋友H話好煩惱！事關佢想讀archi，但佢唔夠分。不過路永遠唔係得一條，佢研究過好幾個方案，包括繼續佢嘅pursuit，又或者放棄。諗咗好耐，每個方案都有各自嘅隱憂，就令佢覺得更加要諗清楚。
「要諗清楚！所以好煩惱！」耐唔耐就有啲朋友陷入呢個狀態。
其實，係咪真係咁煩惱？雖然路唔係得一條，但唔見得有好多條。我做份卷50題每題都7個choice啦，一個人有冇7條路咁多先？左計右計都係計緊pros&cons，有咩意思啫？我可以為一件事寫上千個pros&cons，但都只係可以做一個選擇！所以嗰啲唔係唔煩惱，而係單純嘅驚！驚選錯咗，驚又再出現自己無預計到嘅事，驚行咗入條死胡同。因此，冇勇氣去選擇。
眼前呢啲路，有邊一條唔係有人行過，甚至有人舖好？若果要搵一條無人行過嘅路嚟行，咁就真係煩惱啦！
